Kristín Sigfríður Garðarsdóttir leirlistakona og hönnuður rekur eigin vinnustofu, STUDÍÓ SUBBA, á Korpúlfsstöðum. Kristín vinnur jöfnum höndum með nytjahluti og í myndlist. Sterk efniskennd og vandað handverk eru einkennandi þættir í verkum hennar og sækir hún gjarnan innblástur í japanskt handverk, íslenska náttúru og hefðir norrænnar hönnunar. Kristín hefur sýnt verk sín á Íslandi og erlendis, m.a. haldið einkasýningar í Kyoto og Tokyo. Kristín hefur í þrígang fengið tækifæri til að dvelja á vinnustofum um nokkurra mánaða skeið í SCCP í Japan og við EKWC í Hollandi. Einnig hefur hún unnið verkefni við Textílsafnið í Tilburg og tekið þátt í Dutch Design Week á síðastliðnu ári.