Kristín Sigfríður Garðarsdóttir er leirlistakona og hönnuður sem vinnur á mörkum nytjalistar og skúlptúrs. Hún rekur Studio Subba, vinnustofu sína á Korpúlfsstöðum. Verk hennar einkennast af sterkri efniskennd og vönduðu handverki og sækja gjarnan innblástur í íslenskt landslag og hefðir norrænnar hönnunar. Kristín hefur sýnt verk sín bæði á Íslandi og erlendis.