Emilie Dalum (f. 1989, Danmörku) er sjálfstætt starfandi sýningarstjóri og myndlistarkona sem sameinar menningarleg, persónuleg og skynræn viðfangsefni í þverfaglegri listsköpun sinni.

Hún starfar á sviði sýningarstjórnunar, verkefnastjórnunar, ljósmyndunar, teikningar og ljóðlistar, þar sem hún tekur fyrir líkamann, sannleikann og andstæður hins persónulega og opinbera. Verk hennar rannsaka kraft mannlegra tengsla, hið óhugnanlega og upplifun áhorfandans.

Emilie er stofnandi, sýningarstjóri og verkefnastjóri árlegu sýningarinnar The Factory á Djúpavík og The Tub (nú lokað) á Þingeyri. Verk hennar hafa verið sýnd í söfnum og sýningarrýmum víða um land.