Páll Óskar & Benni Hemm Hemm enda tónleikaferð sína um landið með tónleikum á Hamraborg Festival. Á tónleikaferðinni hafa Páll Óskar og Benni fengið til liðs við sig kóra sem starfa á þeim stöðum sem þeir hafa heimsótt. Hefur þetta skapað sérstaklega skemmtilega stemningu og hafa engir tónleikar verið eins. Á tónleikunum í Salnum kemur Kvennakórinn Blika fram með þeim en Blika starfar í Kópavogi undir stjórn Margrétar Eirar. Á tónleikunum munu Páll Óskar og Benni leika lög af plötu sinni Alveg sem kom út í fyrra og fékk óheyrilega góðar viðtökur en auk þess munu heyrast vinsælustu smellir þeirra beggja í nýjum útsetningum.