Óskar Örn Arnórsson er arkitekt og arkitektúrsagnfræðingur. Hann lauk nýverið doktorsprófi frá arkitektúrdeild Columbiaháskóla, þar sem hann varði ritgerðina “Architectures of the Marshall Plan in Europe, 1948–1952," vorið 2025. Í ritgerðinni skoðar Óskar Örn hvernig Bandaríkin stjórnuðu Vestur-Evrópu í gegnum hið byggða umhverfi á árunum eftir seinni heimsstyrjöld, með því að skoða byggingar í Þýskalandi, Frakklandi og Grikklandi. Meðal rannsóknarviðfangsefna Óskars Arnar eru arkitektúr alþjóðastofnana, arkitektúr alþjóðlegrar þróunar og tengsl arkitektúrs og umhverfis. Hann hefur flutt pistla um íslenskan arkitektúr í útvarpsþættinum Víðsjá, starfar sem ritstjóri hjá Nordisk Revy for Arkitektur og er sýningarstjóri Slökkvistöðvarinnar, sjálfstæðs sýningar- og viðburðarýmis fyrir arkitektúr og rýmislistir sem er staðsett í fyrrum slökkvistöð áburðarverksmiðjunnar í Gufunesi.