Verkið Hvernig líður gagnkynhneigðum? er lifandi, performatísk rannsókn á líðan gagnkynhneigðra í samtímanum og verða niðurstöður hennar nýttar sem efniviður í nýjasta verk Kviss búmm bang Gagnkynhneigð - Landsátak sem sýnt verður í Þjóðleikhúsinu í apríl á næsta ári.

Tekinn verður púls á líðan hinna gagnkynhneigðu með innsetningu þar sem fólk fær tækifæri til að velta fyrir sér lífi og líðan innan hinnar gagnkynhneigðu formgerðar.

Kviss búmm bang munu taka á móti gestum í sérstakri virkjun innsetingrinnar milli kl. 17 og 19 í Bókasafninu föstudaginn 28. ágúst.

Allar sýningar opna föstudaginn 28. ágúst kl. 17 og verða opnar á almennum opnunartíma sýningarstaða til 4. september.