Hlýjuspor (Traces of Warmth) er staðbundin innsetning sem sett er upp í almenningsglugga í Hamraborg. Verkið notar gegnsætt matt vínylefni, skorið í laus form sem líkjast þeim afslöppuðu hreyfingum sem fólk gerir þegar það þurrkar eða teiknar á móðuðu gleri. Þessi form minna á stundir þagna, biðar eða þegar við horfum út - auk sporanna sem við skiljum eftir án þess að vita af.

Verkið er hannað til að vera hluti af daglegu umhverfi. Það tekur breytingum við ljós- og veðurbrigði og er missýnilegt eftir aðstæðum. Á daginn mýkir það endurskin eða fangar sólarljósið. Á nóttunni bregst það við lýsingu, bæði innan frá og utan. Innsetningin vekur athygli á því hvernig yfirborðsfletir innihalda lítil spor notkunar, umhyggju eða truflunar. Með því að endurvarpa kunnuglega en oft gleymda hegðun, biður verkið áhorfendur að skoða umhverfi sitt nánar.

Hlýjuspor ígrundar hvernig fólk mótar almenningsrými ekki aðeins með hreyfingu og hávaða, heldur einnig með kyrrð og venjum. Verkið er í samræmi við þema hátíðarinnar en það fæst við rótfestu sem eitthvað sem finnst í hverfulri og líkamlegri tengingu við ákveðinn stað.