Gosia Trajkowska er leikhús- og sviðslistamaður sem starfar á mörgum sviðum, með sterka áherslu á samstarfsverkefni. Hún hefur leikstýrt sýningum á borð við CRIMEA, Pink Bitterness, Princesses, How To Disappear Completely, hljóðgöngum á borð við Dream Institution, How To Do Things Together og þriggja þátta hlaðvarpinu Beethoven Was a Lesbian, í samstarfi við Veru Popovu. Ásamt Agötu Lech leikstýrði hún og skapaði tvær ljóðakvikmyndir: A Year Without Summer og Ballad for Balconies. Starfsemi hennar spannar sviðslist, myndlist og skáldskap og kannar bæði möguleika og takmarkanir tungumáls. Hún er með gráðu í myndlist frá Listaháskólanum í Szczecin og útskrifaðist nýlega í sviðslistum frá Listaháskóla Íslands.

Bjørn Penk er nýútskrifaður kerfishönnuður og fuglaáhugamaður búsettur í Ósló og Reykjavík. Bjørn starfar á krossgötum félagslegrar hönnunar og myndlistar og er að eigin sögn post-listamaður og hönnunaraktívisti. Nýlega hefur forvitni hans og áhugi á sjálfbærum samvinnuhópum knúið áfram verkefnin „moved by movements“ og „PHSE TO PHASE“, bæði unnin í samstarfi við hönnuðinn Benjamin Romm, haustið 2024 og vorið 2025. Það gerist líka af og til að hann verður að sleppa tökunum á því sem hann er að gera til að sjá sjaldgæfa fugla eins fljótt og auðið er, í von um að sjá þá áður en þeir fljúga burt.